OCA lo celebra Himno y Bandera dianan 25 y 26 di maart na Villa Floralina

Organisacion Cabayista Arubano, O.C.A. tambe lo celebra nos Dia Nacional Himno y Bandera cu un tremendo competencia di cabay na Villa Floralina.

E feria di cabay celebrando nos himno y nos bandera lo wordo teni riba dos dia, esta 25 y 26 di  maart proximo.

 

Diasabra e competencia competencia di cabay y jinete y amazona principiante cu lo inicia for di 6or di atardi y lo bay te laat den oranan di anochi.

Pa su mañan diadomingo e feria lo inicia pa 3or di atardi esaki pa nos amazona y jinetenan den tur edad.

Ta bon pa menciona cu for di awor caba nos por a presencia e diferente amazona y jinetenan hunto cu nan cabaynan ta entrena casi tur dia p’asina duna nan mihor presentacion riba e dia di competencia na Villa Floralina.

 

Ya pa algun aña caba Organsacion Caballista Arubano, OCA ta traha riba den bon forma riba desaroyo di e deporte aki na Aruba.

E resultadonan internacional ta papia pa nan mes cu varios titulo mundial logra den e ultimo añanan pa diferente jinete y amazona den tur edad y categoria.

Pa aña OCA ta organisa cu campeonatonan regular esaki local y internacional.

Un danki sigur na Lotto, e Loteria di Aruba pa medio di Comision di Subsidio cu a subsidia e Feria Himno y Bandera 2017 organisa pa Organisacion Cabayista Arubano, O.C.A.

 

 

Leave a Reply

Top