OM a keda cla cu e entradanan hudicial, Na cas di Minister Paul Croes, tabatin un señora trahando sin permiso

E entradanan hudicial awe den diferente localidad (cas, empresanan y un fundacion) den e investigacion penal contra Minister di Asunto Social, Hubentud y Trabao, drs. Paul Croes y contra otro sospechosonan, ta cla.

Segun Ministerio Publico den un comunicado di prensa awe tardi, durante e huiszoekingnan a wordo tuma den beslag un gran cantidad di administracion y gegevensdragers.

 

Den cuadro di e investigacion penal, a start tambe cu un Investigacion Financiero Penal contra dos di e sospechosonan, caminda a pidi informacion financiero serca varios institucion bancario.

T’asina tambe cu durante e entrada hudicial na cas di Minister Paul Croes a topa alabez cu un muher, kende tabata traha den cas di e Minister como maid sin cu e tabatin permiso p’esaki a base di su verblijfstitel actual.

El a wordo hiba pa Warda Nos Costa y ta actualmente wordo scucha.

 

Den e periodo benidero e team investigativo lo dedica su mes vooral na analisa loke a wordo tuma den beslag y na sigui scucha e sospechoso y testigonan. Relaciona cu esaki, no ta exclui detencionnan.

Si bin desaroyonan especial den e investigacion, Ministerio Publico lo comunica via un conferencia di prensa manera awe mainta, of via relatonan di prensa.

 

Top