Oradornan internacional pa E-Aruba Seminar di diasabra awor a yega Aruba

Diahuebs durante henter dia a yega for di Charleston South Carolina, for di New Jersey y for di Corsou e oradornan p’e di dos E-Aruba Business Seminar. Preparacionan ta andando caba den Renaissance Convenction Center pa un evento hopi educacional riba topiconan di mercadeo digital.

E oradornan cu a yega ta Ramon Ray, Brian Carter, Jemi Meaux y Josh Peiliker. Hunto cu nan lo presenta tambe Diederik Kemmerling y Mitch Puts the The Lab Agency.

Nan lo elabora riba e ‘Social Media Landscape’ na Aruba. E oradornan internacional lo duna lo ultimo den diferente tipo di plataformanan manera snapchat, facebook live y otronan.

Tambe nan lo enfoca riba con pa converti ‘Likes’ pa ‘Sales’.  Lo tin diferente panelista local tambe manera Tristan Every, Kawish Misier y mas.

Ainda tin algun ticket obtenibel na Office Systems y online riba www.e-aruba.com. No ta hopi frecuente cu Aruba ta ricibi oradornan di e taya aki debi cu nan a traha cu diferente compania manera Universal, Microsoft y varios di e conocido ‘Sharks’ di ‘Shark Tanks’.

Ramon Ray lo duna un workshop hopi extenso yama “Social Media Bootcamp” despues di e seminario. Aki lo e persona siña hopi mas y lo Ramon evalua bo strategia pa cu bo negoshi. P’e workshop por yama 592-5069.
Ta spera tur hende pa yega entre 8 or cu 9 or di mainta unda por cumpra algo di bebe y come como desayuno y pa 9 or e prome oradornan lo cuminsa.

Top