Organisacion di debate pa Millenials a nenga participacion di Gerlien Croes

Organisacion ‘Encuentro Politico Constructivo’ a nenga participacion di mr. Gerlien Croes n’e debate di y pa Millenials di ayera nochi. Un iniciativa cu e partido berde a haya un bon iniciativa y tabata hopi entusiasma pa su candidatonan millenial por defende e partido su vision y trabou.

E partido a propone pa mr. Gerlien Croes participa den e debate electoral organisa pa informa e asina yama grupo di ‘millenials’ cu un di nan candidato millenial cu ta parti di e team di AVP.

 

Lamentablemente e organisacion a nenga participacion di mr. Croes y a exigi pa lider di partido t’esun cu mester participa.

Y si no t’asina AVP lo ‘no ta welkom’ pa ta participe n’e debate.

Den seno di partido a discuti e punto importante aki e siman cu a pasa y a tuma e desicion di hala atras e ora, pasobra partido ta di opinion cu mr. Gerlien Croes y cada candidato riba lista di AVP ta igualmente capaz, pa splica y defende e vision di partido AVP na cualkier momento y riba cualkier plataforma.

 

Nos ta kere cu candidato pa candidato, AVP t’e partido mihor prepara y nan si tin candidatonan cu por ocupa cualkier posicion gubernamental. Esey lo t’e miedo cu e organisadornan tabatin, esta cu mr. Gerlien Croes lo sobresali riba tur e demas lidernan.

Awe mester bisa cu Millenials a perde, unda un di nan propio hendenan a ser laga afo. Ta te ki dia nos ta crece anto?

Top