Organisacionnan mundial pa derecho di consumidor ta acciona pa un mihor y mas sigur mundo digital

KRALENDIJK – Tur aña riba 15 di maart ta celebrá mundialmente Dia di Derecho di Consumidor.

Riba e fecha aki President John F. Kennedy a dirigí su mes na Congreso Americano unda formalmente el a instituí e derechonan di e consumidó. President Kennedy tabata e promé lider cu a haci esaki.

 

Dia 15 di maart Unkobon, Union pa Konsumidó Bonaire, ta uni su mes n’e organisacionnan mundial pa consumidor cu ta boga pa un mundo digital mas confiabel.
E dia aki lo wordo coordiná pa Consumers International y enfasis lo wordo butá riba un Better Digital Word”.

 

Cu yegada di tecnologia digital y internet bida di e consumidor a cambia drasticamente. E velocidad cu esaki ta tumando lugar tin como consecuencia, cu cambionan riba e mercado digital riba algun tereno, ta mas liher cu e proteccion di e consumidor.

Consumidornan ta hopi preocupá cu e desaroyo aki y ta puntra nan mes con sigur nan datonan personal ta. Y aki nan tin razon pa preocupá.

 

Mas di mey miyard di datonan personal digital a pèrde of a wordo hortá den 2015 unda 429 miyon identidad a wordo exponé. E datonan aki ta loke a keda raportá. Hopi ladronisia no a wordo denunciá.

Como parti di e campaña di Consumers International, Unkobon kier conscientisá e consumidor con haci uso di internet mas save posibel. Riba e pagina di facebook di Unkobon www.facebook.com/groups/consumentenbonaire/ y riba e website di Unkobon www.consumentenbonaire.com, consumidornan ta haña 10 tips pa ta save ora subi on line.

 

Top