Organizador Pepia-Est a sorprende – Disabled Golf Aruba cu un check

E reciente funda Disable Golf Aruba a keda sorprendi cu un check di parti di organisador, Pepia-Est di un torneo di golf bon atendi, cu a wordo teni bao di circumstancianan perfecto y cu hopi interaccion social: E tabata un scenario ideal cu a bira realidad pa Pepia-Est, un mayorista di biñanan y licor di renombre riba e isla y organisador di un evento di golf como recaudacion di fondo.

 

E torneo aki a tuma lugar na Tierra del Sol Golf Course. Un check pa un suma substancial pa un fundacion nobo yama Disabled Golf Aruba, tabata e resultado di e gran sosten di hopi sponsor y participante.
Disabled Golf Aruba ta un iniciativa pa personanan fisicamente limita, kendenan kier cuminsa hunga golf.

Na mei ultimo, un torneo di golf ya caba a tuma lugar cu participantenan deshabilita Hulandes, a wordo teni na Tierra del Sol. Esaki y un clinica a wordo organisa p’e fundacion Hulandes BMVG.

 

E check di e luna aki lo bay p’e organisacion di un Copa di Federacion na Tierra del Sol, cu lo wordo teni na 2018.
E potretnan ta mustra e ambiente y diverticion absoluto n’e evento di golf di Pepia-Est, cu a wordo teni diadomingo ultimo.

 

Leave a Reply

Top