Otmar Oduber: Cu hopi orguyo Plataforma E FORSA NOBO ta anuncia “Vision 17/20: Hunto Nos Por”

“Plataforma E Forsa Nobo durante transcurso di e ulitmo lunanan a dedica su mes incansabelmente pa ta den contacto estrecho cu nos comunidad”, Otmar Oduber ta splica.

 

Saliendo for di e balornan di partido POR, cu ta e fundeshi solido for di cual e plataforma ta construi su vision, a yega na un programa colectivo. E programa ta toca un variacion di tema cu comunidad a identifica como prioridad. Otmar ta splica cu, pa medio di e programa aki POR ta percura pa nos comunidad y e bienestar di nos pueblo haya su debido atencion.

Diamars awo, 10:00am lo lansa e programa oficialmente den un sesion informativo cu prensa.

E team di di POR ta consisti di un cantidad di profesional y expertonan riba un variedad amplio di tereno. Cada un a aporta extensamente y cu hopi dedicacion na comparti nan experiencia y experticio pa asina por presenta un programa solido, pragmatico y cu atencion pa varios tema cu ta trata cada un den nos comunidad.
E rondanan di consulta cu diverso organisacion y e comentarionan continuo cu e plataforma a haya for di nos ciudadanonan ta esencia di e plan colectivo “Vision 17/20: Hunto Nos Por”.

 

E plataforma ta kere firmemente den e factor humano ora ta trata di goberna un pais y ta decidido di percura p’e aspecto aki continuamente keda inclui den e maneho di pais Aruba.

Di e forma aki partido POR un biaha mas ta mustra di ta pionero den traduci comunitarismo, e laso estrecho cu pueblo, den un programa pragmatico, cu metanan factibel y un plan di ehecucion realisabel.

Pa sr. Otmar Oduber, lider di partido POR, e programa Vision 17/20 t’e prome piedra cu ta pone rib’e fundeshi solido di loke a plataforma ta para pe. Un plan basa riba balornan solido, cu ta di comunidad y pa comunidad. Un plan na unda e balor humano semper ta prevalece riba ideologia.

Top