Otmar Oduber, lider di POR – ‘Gobierno na mando a cuminsa haci actonan cu mi mes a critica den oposicion’

Diaranson anochi tabatin programa ‘E Berdad’ cu a wordo transmiti via Tele Aruba y pagina di Facebook di Por E Forsa Nobo. N’e ocasion aki, sr. Otmar Oduber lider di POR a duna entrevista na periodista Aldrich Croes tocante e situacion cu a conduci cu el entrega retiro como Minister y di partido AVP.

 

Otmar Oduber a splica cu ora cu bo ta forma parti di un Gobierno por presenta hopi reto y diferencia di opinion cual incialmente bo ta purba papia nan y trata na resolve esakinan. Sinembargo ora cu esakinan ta keda aumenta, e situacion ta bira preocupante.

‘Den e caso specifico aki, e problemanan a cuminsa 1 aña prome y nan a desaroya nan mes hopi rapido.

Na final di 2015 mi a cuminsa ricibi diferente documento cu ta mustra cu cosnan no tabata bay na un forma transparente den Gobierno. Cosnan cu mi a critica fuertemente tempo cu mi tabata den oposicion.

 

E documentonan cu tabata bin den superficie cu tabata indica cu e partido cu ami tabata para pe y bringa pe tabata actuando den mesun direccion cu oposicion e tempo ey.

Caminda cu un grupo, un famia y esnan mas cerca t’esnan cu ta haya tereno, negoshi y contract. Ora cu ami a cuminsa confronta Prome Minister Mike Eman cu esaki, mi no a sinti cu tabatin reaccion of oido.

E tabata manera ora cu un nacion ta sin un lider. Mi a keda purba y januari 2016, mi a bay Gobernador y a indica na su persona cu mi no por sigui di e forma aki den e Gobierno.

 

Na Gobernador mi a discuti y mi a entrega un carta cu 9 punto riba dje caminda cu mi a splica Gobernador tur mi preocupacionnan.”

Di biaha despues di e encuentro cu Gobernador sr. Oduber a haya yamada di Prome Minister Mike Eman pa mira con por resolve e situacion prome cu mester yega n’e desicon di baha como Minister.

Mas contenido di loke ta encera e entrevista aki lo wordo treci dilanti otro siman despues di e di dos parti di e programa cu ta tuma lugar diadomingo awor 10:15 pm na Telearuba

 

 

Leave a Reply

Top