Pa cual gerencia di e casino a pidi un referendum, loke STA ta considera un falta di respet

Directiva di Sindicato di Trahadornan di Aruba (STA), a informa tur e empleadonan di “Alhambra Casino” cu gerencia di dicho compania a solicita un referendum via Oficina di Mediador di Gobierno pretendiendo cu aworaki sindicato STA no tin e mayoria mas di e empleadonan como miembro den e compania aki locual cu STA ta considera un falta di respet grandi pa cu e sindicato, pero principalmente un falta di respet superior pa cu e empleadonan di “Alhambra Casino”.

Tur hende sa con un campaña sushi a wordo hiba di parti di gerencia di Alhambra y un par di nan “compinchinan” pa intimida trahador pa bandona e sindicato p’asina ey nan por “wheel & deal” y cana pasa trapa tur hende manera nan kier.

Apesar di esaki STA a keda mantene e mayoria y pa medio di e comunicado aki kier a hasi un apelecion na un y tur cu ainda no ta afilia n’e sindicato pa haci esaki di inmediato segun su consenshi.

Negociacionnan pa cu e CAO ta andando y ta na mitar di caminda caba. Locual ta un estorbo ta cu e sra. Susan no ta biba na Aruba y esey ta pone cu cada bez tin tardanza y cada bez ta tira e culpa riba e sindicato.

Tambe tur hende por observa e intimidacionnan di e Mericano cu ta maneha e casino. Pa nos logra nos meta nos mester ta uni, segun dirigentenan di STA.

 

Cu sindicato mes ta dificil corda sin sindicato. Gerencia no kier presencia di un sindicato cu ta bringe. Pesey e comunicado aki pa nos ban uni forza mas cu nunca pa evita cu mester bin un otro referendum.

Esaki ta conta pa tur departamento di Casino di Alhambra.

Top