Pa di 14 aña consecutivo Ken lo bira Aruba su Atletanan di Aña 2016 den Premio Excelencia den Deporte

Diabierna 24 maart proximo, Aruba lo conoce su Atleta di Aña 2016 den Premio Excelencia den Deporte. Pa di 14 aña consecutivo lo ta entregando e galardon maximo na nos atletanan di aña, esaki den e diferente categoria.

Aunke tur premiacion ta importante, mas cu claro e lo culmina cu e entrega di e dos premionan cu tur hende ta ansioso pa sa cu ta e Atleta di Aña Local y esun Internacional.

E atletanan nomina e anochi aki den e categoria Atleta di Aña Local y Internacional ta e miho deportista di 2016 di cada federacion deportivo.

 

Desde 2003, e premio maximo aki a wordo gana pa e deportenan di Tennis, Biyar, Landamento, Bela, Taekwondo, Cabayista y Bowling. E atleta Sarah Quita Offringa di bela a logra e premio maximo pa un total di tres biaha, mientras cu Kamilah Dammers di bowling y Micky van der Vaart di landamento a logra e premio maximo dos biaha cada uno.

Aña pasa, e atleta di bowling, Thashaina Seraus a logra sali e atleta di aña internacional y asina duna bowling su di tres galardon tras di otro.

Te cu awor e atletanan femenino (7) tin mas galardon internacional conkista cu e atletanan masculino(6). Pa loke ta e premiacion como atleta local di aña, categoria  introduci na 2014, e titulo maximo a bay dos biaha pa e atleta masculino Renze Postma, triatleta.

 

Siguientemente e lista data for di aña 2003 te cu 2015 di tur nos atletanan cu a gana e premio maximo como Aruba su Deportista di Aña.

Deportista di aña

2003 VINCENT MORETA – TENNIS

2004 AARON FRANKEN – BILJARD

2005 MICKY VAN DER VAART – LANDAMENTO

2006 MICKY VAN DER VAART – LANDAMENTO

2007 SARAH-QUITA OFFRINGA – WINDSURFING

2008 SARAH-QUITA OFFRINGA – WINDSURFING

2009 SARAH-QUITA OFFRINGA – WINDSURFING

2010 STUART SMIT – TAEKWONDO

2011 ALLYSON PONSON – LANDAMENTO

2012 MARK BRUIN – CABAYISTA

2013 KAMILAH DAMMERS – BOWLING

2014 KAMILAH DAMMERS – BOWLING (INTERNACIONAL) / RENZE POSTMA (LOCAL)

2015 THASHAINA SERAUS –  BOWLING (INTERNACIONAL) / RENZE POSTMA (LOCAL)

 

Ta spera cu tur federacion lo entrega nan nominadoanan y tur informacion relevante na tempo; no mas tarda cu diaranson 1 di maart p’asina durante e anochi di gala e deportistanan por sinti nan mes honra di a wordo reconoci pa tur e sacrificio y esfuerso haci den e temporada deportivo 2016 cu el a destaca den

Top