Para-Medical Micropigmentation pa pashentnan di Cancer di Pecho Dilailah Croes Odor ta pasa 4 curso cu exito recientemente na Image Academy na Florida USA

Aña 2017 a habri cu hopi cu reto y deseonan grandi pa expande y amplia conocemento riba diferente area. Dilailah Croes Odor conoci pa mas di 20 aña den mundo di beyesa y cu un talento unico dominando e arte como Permanent Make Up Artist a asisti na un curso interesante y cu exito. Den transcurso di añanan Dilailah e keda tuma cursonan pa keda domina tecnologia cu ta revolucionando.

 

Den 2016 Dilaila a inicia cu algun curso moderno y nobo y recientemente mester a acudi 50 ora di training na Image Academy na Florida unda Dilailah a logra pasa esaki cu exito, manera Para-Medical Micropigmentation.

Esaki mas bien ta un arte unda e. o. pashentnan di Cancer por benificia di dj’e.

Momento cu un patient ricibi tratamento di Cancer di Pecho y wordo someti na un operacion y p. e. keda sin e areola na e pecho e tratamento di micro pigmentation por reconstrui esaki practicamente exacto na esun existente y asina mentalmente contruibi na e calidad di bida di un pashent.

 

Dilailah a logra master tambe den e tratamento di Micro Needling / Collagen Induction (CIT) y Micro Blading. Esakinan ta mas tratamento specialisa pa rehubenece y minimalisa y kita cicatriz manera acne y stretch marks por completo.

Micro Blading ta e ultimo y mas moderno metodo di tattoo artistico di wenkbrouw unda ta implanta pigmento den bo cuero manualmente en bes di uza mashin dunando asina un toke hopi natural na e wenkbrouw.

 

Otro curso pa complementa e pakete di cuater tratamento cu Dilailah a logra acapara y domina ta e “Hair Simulation”. Esaki ta un tratamento conoci como “scalp micro pigmentation” cual ta un forma di tattoo cu un ekipo special cu ta duna e size exacto, e forma y color di e folikel di e cabey cubriendo asina areanan bashi. Asina pues dominando tecnologianan ultra moderno cual  alaves ta trece trankilidad den calidad di bida di un ser humano.

Top