Paradera a ricibi lider di MEP y su partido den grandi

Diabierna ultimo, lider di MEP, Evelyn Wever-Croes y partido MEP a cuminsa cu e campaña den Paradera. Candidato Endy Croes a hisa un bandera grandi den curason di Paradera, caminda candidato pa Paradera Xiomara Ruiz-Maduro lo habri un oficina pronto.

Poco tempo prome candidato Arthur Vallejo tambe a hisa un bandera grandi den Paradera, sigi pa hopi mas bandera di MEP den e bario.

 

Diabierna a tene un accion di plak sticker cu tabata un exito rotundo. Hendenan di tur districto tabata yega na e sitio pa nan haya plak nan sticker.

Por a nota cu e pueblo di Paradera a ricibi nan lider Evelyn Wever-Croes cu brasanan habri.

Nan tabata pasa pa saluda, pa combersa, pa mustra sosten. Evelyn a lanta den e districto di Paradera, y ta conosi den e districto pa e. o. tur e trabounan cu e a haci den parokia di Paradera.

 

Xiomara Ruiz-Maduro tambe ta candidato fuerte den Paradera, cu actualmente ta biba den Paradera. Ambos candidato a wordo hopi bon ricibi den curason di Paradera.

Pues Paradera tin dos candidato fuerte caba cu ta campañando fuertemente den Paradera, y segun informacion, pronto lo tin un di tres candidato mas pa Paradera.

E siman aki tambe lo tin reunionnan importante pa asina segura cu Paradera tambe ta cla p’e cambio.

Top