Parlamentario Chris Dammers: Control mas stringente na nos fronteranan y trahando hunto ta dunando su resultadonan

Durante e ultimo aňa hopi trabou a wordo haci den ekipo y riba maneho engeneral di tur e departamentonan cu di un forma of otro tin cu percura di cuida nos fronteranan, cual no ta un tarea facil, mirando cu esaki ta laman di un banda y nos diferente puerto maritimo y aeroportuario.

Tambe nos mescos cu tur e otro paisnan den nos region mester keda alerta cu e situacion economico y politico cu pais vecino Venezuela ta pasando aden, segun Chris Dammers di AVP.

 

Recientemente durante e bishita di Minister di Relacion Exterior di Hulanda, sr. Koenders Gobierno te hasta a toca e tema dificil aki di e fluho di Venezolanonan cu ta saliendo di e pais aki y si introducion di Visa (visumplicht) muy en particular pa cu turistanan procedente di Venezuela mirando cu cada dia e situacion eynan ta birando cada dia mas tenso.

Visa ta un ta responsabilidad di Reino y no tin ningun decisión ainda cu esaki lo bay tuma lugar pa ciudadanonan di Venezuela cu lo kier biaha pa un di e paisnan di Reino Hulandes.

 

Tog ta logra tene hopi di e hendenan cu ta potencial peliger pa nos pais pafo. No por logra tene tur pafo, pero ta haci esfuerso y medionan y personal cu tin.

E problema aki no ta uno di nos so, pero di hopi parti di Caribe, Centro America y di paisnan den Sur America mes, caminda tur ta hayando un gran parti di un fluho di Venezolanonan cu ta saliendo cada dia mas di nan pais pa busca un mihor biba.

Tur e paisnan aki ta papiando di e mesun cos cu nos ta papiando. Nan tambe ta confrontando e mesun fenomeno y tin consecuencianan hopi grandi pa diferente pais ey.

 

Segun Chris Dammers, locual si Gobierno ta haciendo ta trahando riba e obligacion p’esnan muy en particular di Venezuela pa yena un ESTA (Electronic System for Travel Authorization) no unda prome cu nan sali pa Aruba mes por controla varios aspecto di e biahero, manera si e tin un pasport legal, etc.

Banda di e aspectonan aki tambe por wak cu mas y mas nos Departamentonan cu ta controla nos fronteranan ta traha hunto.

Recientemente a firma un protocol entre tur departamento di Gobierno cu ta envolvi cu grensbewaking y e 2 ministernan cu ta envolvi cu Husticia y Belastingsdienst/Aduana pa sigi entre cambia informacion y controlnan hunto pa entre otro mehora e combati contra labamento di placa, etc.

 

Cifranan di Imigracion p’e aňanan 2014-2016 y e trabounan profesional y e set-up nobo bou cual e ambtenaarnan aki a bin ta traha e ultimo 2 pa 3 aňanan ta mustra su resultadonan.

Control di paspoort, documentonan di biahe y otro aspectonan necesario pa por drenta Aruba ta riba un nivel hopi halto.

Ta para y catch varios hende cu ta purba drenta pais Aruba cu paspoort falso of otro documentonan, of motibonan di biahe ya na frontera na Aeropuerto. Den aňa 2013 nos tabatin mensualmente un avg di 15.000 Venezolano cu tabata bin Aruba.

Na aňa 2015 nos tabatin pieknan di riba 40.000 pa 45.000 turistanan Venezolano cu tabata bin Aruba.

Na aňa 2014 tabata saca for di Aruba pa motibo di ilegalidad, etc, un total di 421 turista Venezolano cu pa aňa 2016 a bira un alrededor di 900.

A para na nos fronteranan di Aeropuerto na aňa 2014 un total di 351 turista Venezolano cu na 2016 a bira un alrededor di 1.500 turista, cu ta mas di 400% mas di locual a para na 2014. Mustrando cu nos profesionalnan na nos fronteranan ta trahando y cu e sistema y maneho cu ta in place ta funcionanado, segun Chris Dammers.

 

 

Leave a Reply

Top