Parlamentario Chris Romero (MEP): Sostenibilidad, pero responsabel

 

“E vision y e mision cu nos di partido MEP tin pa cu Aruba, ta uno caminda nos ta menos dependiente di factornan internacional, y cu e costo di bida na Aruba ta uno real y pagabel pa nos tur.

Aruba mester bira menos dependiente riba diferente area. Ora nos papia di sostenibilidad nos ta papiando di un futuro unda nos ta respeta medio ambiente y pa medio di inovacion bin cu cambionan cu lo ta duradero pa un mihor Aruba den futuro.

Alabes e cambionan aki mester keda pagabel dor di nos hendenan. E no por t’asina cu vision di un Gobierno tin consecuencia halto financiero den cada cas.

Ta un lastima cu un vision asina importante a keda daña cu promesanan falso y politica falso”, segun Chris Romero di fraccion di MEP.

 

Enberdad esey t’e direccion cu nos mester bay, pero e mester wordo haci den un manera responsabel p’asina e generacion di awor y esun di futuro por beneficia di dje.

Puntonan manera energia, medio ambiente, seguridad di alimentacion, salubridad y seguridad financiero ta puntonan cu lo tin prioridad den un proximo Gobierno.

Ehempelnan manera ampliacion di canasta basico, control di prijs di comestible, incentivonan real pa agricultor, piscador y criadornan di bestia.

Inovacion den e tres areanan aki pa por produci hopi mas cu locual cu nos ta produci awor, Chris Romero a sigui declara.

 

Acuerdonan entre departamentonan pa pone prioridad na nos medio ambiente. Y decisionnan cu wordo tuma, mester tin estudionan riba nan consecuencia den futuro.

Inverti den nos companianan di utilidad pa haci e costo di energia menos posibel.

Explora opcionnan den energia alternativo, pero e mester por reduci gasto di energia pa consumidornan.

Promove un cultura sano dor di movecion y alimentacion adecua.

E retonan lo ta grandi, pero cu un vision firme y dedicacion nos ta sigur cu nos lo por logra. Sostenibilidad responsabel t’e caminda cu nos mester tuma, e miembro di MEP a duna di conoce.

 

Top