Parlamentario Clarisca Velasquez (AVP): Ainda e floho y incapacita nan di MEP no a entrega cuentanan anual di nan fraccion

“Ni traha, corda entrega!!! Desde aña 2010 MEP, of miho nos yama nan NEP, no a entrega cuentanan anual p’asina Parlamento por sa kico nan a haci cu suma presupuesta pa nan fraccion. Anto e hendenan aki kier priminti shelo y tera pa purba manipula e pueblo pa vota pa nan pa nan bay goberna e pais aki. Dios spaar Aruba di e hendenan floho y incapacita di MEP”, Parlamentario Velasquez ta expresa.

“Despues cu mi persona a publica un articulo 6 di maart 2017 ultimo cu MEP nunca a entrega cuenta anual for di aña 2010, ayera 19 di april 2017, ainda MEP no a entrega ningun cuenta anual na Parlamento.
MEP, of miho bisa NEP, ta un farsa total y ta kere cu pueblo no ta haya sa nan bagamunderianan. Anto e hendenan aki kier goberna e pais aki. Esaki ta demostra con floho y incapacita MEP ta cu ni cuentanan anual nan no por traha corda pa entrega”, e Parlamentario ta opina.

“Miho MEP cuminsa yega trabao pa nan por traha nan cuentanan anual for di aña 2010 pa entrega esakinan na Parlamento. Esta berguensa e fraccion di MEP ta…no solamente no ta yega trabao, pero no ta traha cuentanan anual di nan mes fraccion. Esta floho y incapacita e hendenan aki ta!”, Parlamentario Velasquez a duna di conoce.

Leave a Reply

Top