Parlamentario Clarisca Velasquez (AVP) Danki na muchanan di scol, San Antonio cu MEP a bin trabao!!

Ta muchanan di scol di San Antonio mester invita tur dia pa bin bishita Parlamento p’asina MEP su fraccion por yega trabao.
E hendenan di MEP ta puro show, hasta Besaril cu nunca ta bin trabao a yega Parlamento, pero laat manera semper.
Pa haci politikeria MEP ta presenta na trabao. Nan tin lunas cu nan no ta “show up” na trabao y asina nan ta pretende cu MEP t’e alternativa. Asina Clarisca Velasquez a comenta riba presencia di MEP siman pasa den Parlamento.

 

Hendenan di MEP ta floho y incapacita y nan no por ta alternativa nunca. Ta un berguensa pa hendenan cu ta den e organo mas halto di nos pais ta duna mal ehempel asina na nos pueblo. A nos como Parlamentario t’e promenan pa duna ehempel na nos comunidad.

Tur hende ta bay traha pa nan por cobra fin di luna y e mesun cos ta conta pa Parlamentarionan. Nan tin cu bin traha pa por cobra.

 

E hendenan aki di MEP mester bira serio den nan trabao y “practice what you preach”, pasobra mester a scucha MEP ora nan ta papia cu e muchanan ta un comedia complete, Clarisca Velasquez a sigui splica. Pasobra nan mes no ta ehempel.

Ta tristo ora a nos como Parlamentario serio y ehemplar ta mira tur e “show” di e Parlamentarionan di MEP ta purba haci popular dilanti e muchanan.

 

Pesey nos di AVP ta informa pueblo tur esaki pa nos pueblo ta bon informa cu e bandidonan aki, cu no ta yega trabao nunca y awor cu a invita un scol si 4 di MEP ta yega Parlamento pa haci populista.

Clarisca Velasquez kier a gradici e skol tog cu a logra saca e flohonan di MEP for di cama pa yega trabao.

Top