Parlamentario Clarisca Velasquez (AVP): IMF ta constata cu Aruba ta riba e bon caminda

Noticia positivo pa nos pais. Cada 2 aña e instituto “International Monetary Fund” IMF ta bin Aruba pa haci su evaluacion rib’e situacion financiero/economico di pais Aruba a corto, medio y largo plazo, segun Velasquez.

 

IMF su ultimo recomendacion na aña 2015 cu mester percura pa den e maneho e deficit yega na un surplus di 1.5% na aña 2020, pa facilita e pagamento di e debenan bek cu menos risico.

Esaki ta loke nos Gobierno ta cumpliendo cu ne tur aña den su presupuestonan y pa e presupuesto 2017 ya caba e cifranan realistico ta mustra cu Gobierno ta bay cera cu 0.5% deficit y rib’e caminda aki Aruba ta cumpliendo cu e direccion cu IMF kier pa Aruba ta pa aña 2020, e Parlamentario ta splica.

 

Ora bo tende e hendenan negativo di MEP bo ta pensa cu ta di otro reunion nan lo a Sali, pasobra ta solamente cosnan negativo so nan ta purba na venena nos pueblo cu ne. Nada pa nan ta bon. Loke e Gobierno aki ta haciendo ta trahando riba un finanza sostenibel pa nos pais pa largo plazo. Y esaki IMF ta reconoce tambe.

Nos hendenan no ta bay tras di mentiranan di MEP mas, pasobra nan ta haya informacion riba internet y tur otro caminda cu ta demostra MEP su mentiranan, Parlamentario Velasquez a duna di conoce.

Top