Parlamentario Clarisca Velasquez (AVP) MEP den su desesperacion dor cu pueblo ta rechasa nan ta purba atacha integridad di hende drechi

MEP ta un partido sushi cu ta busca tur manera pa atacha hende drechi nan nomber. MEP sa cu nan no lo gana e eleccion benidero y pesey ta recuri na cosnan baho.

Desesperacion ta grandi paso kranchi ta sera pa añas caba pa papa y tur famia. No tin placa di huur mas, asina no por saca clausula mas pa sigi enrikese nan mes riba custia di nos pueblo.

Y ademas e papa no ta haya caso mas cu e por defende of no di Gobierno pe cobra placa si gana caso of no. Asina e miembro di fraccion di AVP, Clarisca Velasquez a duna di conoce.

 

Cas di Partido AVP ta habri dia y anochi pa tur hende por yega sea pa papia cu politiconan of pa entretene nan mes.

Hasta hende a yega cas di partido pa anuncia cu nan ta sconde fugitivo y manera bon cuidadano a purba entretene e persona p’asina avisa Polis pa bin tume over pa nan por haci nan trabao pa bay detene e fugitivo.

Como bon cuidadano a cumpli cu sentido civico y cu seguridad di nos pais. Pero MEP ta campeon pa lanta falso testimonio y purba bira storia manera nos di AVP ta hendenan malo y cu ta anos ta cometi crimen.

 

“Nos di AVP y mi persona sigur ta Polis di curason y cu tur integridad a haci su trabao e dia ey pa pone mi coleganan na altura pa bin tuma e persona over p’asina nan haci nan trabao di bay detene e fugitivo.

Y esaki a sosode tambe den tempo relampago. Cas di Partido ta habri pa tur hende y manera boso a tende hasta hende cu tin fugitivo scondi a bin busca ayudo na nos cas di partido.

 

Nos no ta discrimina ni trata hende menos. Tur hende ta keda hende y pesey partido AVP ta resalta di ta hendenan humilde.

No manera e lider di MEP cu hende condena caba den KIA pa crimen ta bolbe condene y stigme pa bida como criminal.

Nos di AVP a cumpli cu nos trabao di bon cuidadano pa avisa Polis pa tuma e persona cu tin fugitivo scondi over p’asina nan scuche y bay detene e fugitivo.

 

Nos ta orguyoso di loke nos a haci e anochi ey, pasobra den ora relampago e fugitivo a wordo deteni”, segun Clarisca Velasquez.

Top