Parlamentario Clarisca Velasquez Fraccion di AVP a haya un update riba construccion di hospital

Recientemente fraccion di AVP a bishita hospital pa haya informacion riba e construccion di nos hospital nobo. A haya informacion di tur esnan envolvi den e construccion di e ampliacion y renobacion.

E proyecto di ampliacion y renobacion ta den un fase bastante avansa. Por bisa cu e proyecto ta uno hopi moderno cu lo bay cumpli cu normanan internacional y cu ta bay garantisa mihor cuido y servicio na nos pacientenan.

 

Segun Clarisca Velasquez, e toren nobo cu ta construyendo ta bay ta pa paciente, un Medical Office Cuilding cu lo bay tin mihor cooperacion entre dokter, ya cu nan lo ta ubica den e mesun edificio.

Y tambe lo tin un sitio di parkeo nobo pa empleadonan situa na parti west di e edificio cu ta cla y tambe lo bay tin un entrada special pa ambulance cu lo yega te na kamber di operacion.

 

Ta construyendo awor e edificio nobo di 6 piso pa brinda cuido na nos pacientenan, den cual lo inclui un piso pa nos muchanan, un “spoedeisende hulp”, un Centro di Ginecologia y un centro di parto.

Lo agrega e kambernan di operacion cu lo mester cumpli cu criterianan internacional y moderno y tambe lo kier agrega e afdeling di ICU cu tambe lo mester cumpli cu normanan internacional y actualisa.

 

Fraccion di AVP cu t’esun mas grandi den Parlamento ta haciendo su trabao di controla p’asina informa nos comunidad riba tur desaroyo y sigur di nos hospital nobo cu ta pleno construccion. Por bisa cu hospital a confronta cu algun retraso pa algun afdeling cu kier agrega, pero ta sigur cu esaki ta na bienestar di comunidad ora e hospital nobo keda cla y pueblo por ta sigur cu lo tin cuido di calidad di cinco streya pa nos hendenan malo di salud.

 

 

Top