Parlamentario Clarisca Velasquez Fraccion di AVP preparando pa ley di creche (kinderopvang) Tin yen di preocupacion

Recientemente fraccion di AVP despues di haci recorido na diferente creche y otro stakeholders den nos comunidad na Aruba a sinta cu Minister pa trece preocupacionnan dilanti y pa wak con por mehora e ley y tambe con ta bay aplica e fase transitorio.

E fase transitorio ta hopi importante pa doño y trahadornan di crechenan, pasobra nan lo mester upgrade nan mes, nan leidsters di nan centronan y tambe mester tin infrastructura cu mester adapta.

Un preocupacion grandi ta ora mayornan ta trece yiunan malo scol y con lo mester deal cu esaki.

 

Nos sa cu hopi scol no ta admiti mucha malo bin scol…e mayor lo mester bay cu e mucha bek y con lo por haci pa yega na un solucion p’esaki mirando cu aki doño di trabao mester por tin un rol importante aki y cu tur comprension p’e situacion di e mayor laboralmente.

Tambe tin preocupacion di parti di e leidsters cu hopi biaha ta hendenan grandi caba cu no lo por sigi curso asina facil pa upgrade nan mes segun ley ta prescirbi, pero mester por evalua e leidster riba su “bekwaamheid” y no “bevoegdheid”.

 

Un preocupacion tambe ta cuanto mucha bou un leidster den diferente grupo di edad. Aki despues di scucha veld ta hiba e preocupacion pa Minister tambe pa wak con por adresa e preocupacion aki den e ley y den e “handleiding” cu lo mester adresa e ley y tur su facetanan aki den practica.

Percurando asina sigur na mihor cuido y guia pa nos muchanan di 0-4 aña na nos centronan aki na Aruba.

Top