Parlamentario Clarisca Velasquez: MEP ta falta respet pa Parlamento di Aruba

“Pueblo ta bay urna electoral pa vota pa representantenan por representa nan den Parlamento.

No por ta asina cu e representantenan di pueblo no ta presenta na trabao.

E siman aki Parlamento di Aruba a atende reunionnan importante pa pais Aruba cu ta presupuesto di DOW y tambe ley pa apodera di Minister di Finanza y Minister di Infrastructura y integracion pa den nomber di pais Aruba pa cera un acuerdo cu FCCA”, Parlamentario Velasquez a splica.

“E falta di respet di MEP pa Parlamento cu nan no ta presenta na e reunionnan publico aki.

Pa MEP, solamente dos Parlamentario a presenta na trabao y esaki ta un falta di respet grandi pa e pueblo votador. Con MEP por representa pueblo asina? Keda sin bin trabao no tin ningun hustificacion.

MEP no ta representa pueblo toch e ora eleccion 2017 pueblo no vota pa MEP, pasobra nan no ta bin trabao toch. Despues nan kier bay media critica y yena corant, pero nan no ta traha.

Pueblo mester tuma nota di e falta di respet grandi aki y no vota pa MEP, pasobra nan no ta bin trabao y e poco cu bin trabao ta contra tur desaroyo y bienestar di nos pais”, Parlamentario Velasquez a duna di conoce.

Top