Parlamentario Clarisca Velasquez: Trabao di tur trahadornan di Serlimar ta garantisa

“Por a tuma nota cu trahadornan di Serlimar a bay demostra dilanti Bestuurskantoor.

No sa si ta politicamente, pasobra e motibo cu a bay dilanti Bestuurskantoor no ta afecta e trahadornan nan trabao den ningun sentido”, segun Parlamentario Clarisca Velasquez.

“Si e trahadornan ta preocupa cu Serlimar ta bay perde placa e ora nan mester ta preocupa tambe cu no ta pueblo completo ta pagando pa piki sushi na cas y no laga sindicatonan instiga pueblo pa no paga pa piki sushi. Y tampoco laga politiconan di oposicion instiga pueblo pa no paga pa piki sushi.

E trahadornan por ta sigur cu nan trabao ta sigura. Cu tur desicion ta tuma lugar den consulta cu Gobierno y gerencia di Serlimar. Cu Gobierno lo garantisa entrada pa e compania si e compania mes no logra esaki y cu tur e puntonan aki menciona lo wordo ancra den conseho di Minister di diamars mainta”, e Parlamentario a mustra.

“Gobierno ta buscando e solucion pa e dump existente na Parkietenbos y nos ta spera cu tur hende por coopera pa esaki. Nos sa cu ela bira hopi molester pa e habitantenan di vecindario y mester bin un solucion pronto. Y esaki Gobierno ta trahando riba dj’e.

Trahadornan di Serlimar por ta sigur cu nan trabao ta sigura y no laga politica infiltra den esaki pa daña cos, pasobra no tin ningun motibo pa preocupa te hasta pa pone trabao abou”, Parlamentario Velasquez a declara.

Top