Parlamentario Clarisca Velasquez : Un Aruba nobo ta parce cu nos ta bibando un soño pero e ta un realidad con nos Gobierno ta transformando nos pais

 

Un pais cu na aña 2009 tabata den un decadencia awe nos por ta orguyoso con Aruba a wordo transforma den e ultimo 8 añanan. E vision cu Mike Eman tin pa nos Aruba el a cristalise den proyectonan cu awe nos Aruba dia pa dia ta bira mas bunita. proyectonan cu Gobiernonan pa mas di 30 aña a papia riba dje, Mike Eman a cristalisa y ehecuta nan tur cu awe nos por mira un hospital di cinco strea kedando cla pa nos pueblo.

Nos por ta orguyoso di nos containerhaven di cinco strea na Barcadera, cu nos Green Corridor ta kedando cla p’asina alivia nos hendenan cu tur dia mester sali for di pariba di brug pa bay traha parti pabou di nos isla.

 

Segun Clarisca Velasquez, cu e vision di muda e waf pa Barcadera ta haci cu mester ehecuta e ringweg Watty Vos Boulevard p’asina por transporta carganan pa sector hotelero. 4 Proyecto grandi cu Gobiernonan semper a papia riba nan, pero no tabatin e curashi pa ehecuta nan.

Gobierno di Mike Eman ta logra ehecuta nan tur demostrando na henter mundo y Reino cu e Gobierno aki t’e Gobierno cu mas a logra pa nos isla.

 

E gobierno cu a transforma nos pais den e isla modelo pa mundo. E unico Gobierno stabil den Reino Hulandes.

Aruba a bira frontrunner den hopi aspecto y nos ta orguyoso di esaki. E unico pais den Reino cu a saca su mes padilanti sin ningun ayudo financiero riba propio forsa.

Cada cu nos hendenan cu tin añanan ta biba den exterior yega Aruba nan ta bisa cu Aruba ta bira mas bunita cada dia.

Esaki ta e realidad y nos tur ta orguyoso di esaki, Clarisca Velasquez a sigui bisa.

 

Con mas orguyoso nos por ta mirando cu nos isla a wordo nombra pa agencia nan importante pa e destinacion number uno den Caribe.

Con mas orguyoso nos por ta hayando e noticia cu nos Eagle Beach a wordo nombra e beach number 3 di mas bunita di mundo. Tur e galardonnan aki no ta pornada nos ta ricibi nan.

Ta pasobra nos Gobierno ta haciendo e cosnan corecto pa embeyece nos pais, pero tambe pa propaganda nos isla debidamente.

Nos tin practicamente un Aruba nobo si bo compare cu nos Aruba den decadencia cu nos a hereda na aña 2009. Ora bo tin pueblo y pais na pecho e cosnan aki ta pasa. Pabien Aruba!

 

Top