Parlamentario drs. Marisol Lopez Tromp: Pueblo ta dicidi ken ta drenta Parlamento

Diabierna mainta e candidatonan di partido POR a sali di diferente localidad riba nos isla p’asina topa na Stadhuis y haci entrega di e lista.

Pueblo no kier tende mas di hende cu cabe’i boto den Parlamento. Ni tampoco pueblo kier tende cu esnan cu tiki voto ta paden y esnan cu hopi voto ta pafo.

 

P’e motibo aki partido POR a firma un protocol caminda e voto di pueblo ta conta p’esnan cu mas voto representa e pueblo den Parlamento.

Parlamentario Marisol Lopez Tromp a firma e protocol aki caminda tanto e como e otro candidatonan riba lista di POR ta firma p’esnan cu mas voto representa nos pais Aruba den Parlamento.

Un decision historico cu ta pone cu awor enberdad e pueblo su candidato di su escogencia lo t’esun cu ta represent’e den Parlamento.

Leave a Reply

Top