Parlamentario Jennifer Arends-Reyes (AVP): Hende muhenan merece apoyo, respet y oportunidadnan pa progresa

Sra. Arends-Reyes ta expresa cu nos hende muhenan tin hopi mas potencial cu nan mes ta kere. E ser femenino ta un pilar di famia y ta haci esfuersonan y sacrificio grandi pa balansa trabou, trabounan na cas y sirbi su comunidad den e miho forma cu ta posibel.

Hende muhenan awendia ta hopi mas activo den e mundo laboral y ta logrando hopi mas den e mundo profesional y corporativo. Awendia tin hopi mas participacion di hende muhe den politica caminda cu nan tin un otro manera pa complementa e manera di pensa di e ser masculino.

 

Dia 8 di maart ta celebra Dia Internacional di Hende Muhe, caminda cu ta pone mas enfasis na locual e hende muhenan ta logrando y kico falta ainda pa yega na un conscientisacion berdadero cu e ser femenino merece mas apoyo y respet di otro ser femenino y masculino tanto na trabou, na cas y den comunidad. Apoyo, respet y oportunidadnan pa sigui profesionalisa nan mes den nan trabou, apoyo y respet na cas y na manera cu parehanan ta trata otro, segun sra. Arends-Reyes.

 

E Parlamentario ta sigui bisa cu e trabou di un mama y esposa no ta caba na momento cu e yega di su trabou. Igualdad entre hende muhe cu hende homber hopi biaha ta ser mal interpreta y e hende homber ta laga e apoyo y cabeyerismo un banda pa bisa cu pa ta igual no mester di ayudo paso e hende muhenan mes por. E ser femenino ta logrando exitonan grandi den trabou y comunidad pa medio di hopi esfuerso y dedicacion di nan parti y sigur esaki ta algo di balora.

 

No ta facil pa den e mundo di awendia pa logra pero no ta imposibel! Keda semper cabes na halto y sa cu bo ta un hende muhe fabuloso!

Sra. Arends-Reyes kier a tuma e oportunidad pa felicita tur nos hende muhernan ariba dia internacional di hende muher!

Top