Parlamentario Marlon Sneek Lider di MEP ta opone su propio vision y kier destrui futuro entrada di pensionadonan

Tanto IMF como otro instancianan financiero internacional y local, a elogia e decision di Gobierno di AVP, di inverti miyones den e fondo di pensioen y AZV,  percurando p’e fondonan aki ta wordo sigura y no sigui e rumbo fatal den cual nan a bon haya nan mes p’e maneho malisimo y iresponsabel di Gobierno di MEP.

Lider di fraccion di AVP, Marlon Sneek ta lamenta y condena na mes momento, cu e lider di partido MEP, Evelyn Wever Croes, ta pretende pa uza den su campaña electoral, un grito bashi cu su partido lo bay baha edad di pensioen bek na 60, sin splica pueblo e berdad di e consecuencianan di e acto aki.

 

“Loke ta mas serio di henter e asunto aki, ta cu tempo cu e lider di MEP tabata Inspector di Impuesto, el a dirigi un carta cu conseho na Gabinete Nel Oduber IV dia 24 di october di 2004, caminda bon cla e ta informa Gobierno di MEP riba pasonan pa tuma pa evita cu mester bay hisa e primanan di seguro pa cada persona.

Den su punto 4 di recomendacion, Evelyn Wever Croes ta conseha Gobierno di Nel Oduber y ta bisa literalmente:

“de APV-uitkereingen worden gefinancierd  uit di premieopbrengsten. De premieopbrengsten zijn echter niet voldoende om de uitkeringen in den nabije toekomst te kunnen garanderen. De oorzaak hiervan is mede gelegen in de sterk toenemende vergrijzing.

De vergrijzing kan gefinancieerd wordo door de pensioengerechtigde leeftij te verhogen, zonder dat dit een premielastenverzwaring – middels verhoging van het premiepercentage – voor de beroepsbevolking met zich meebrengt. Voorgesteld wordt om de verhoging van 60 jaar naar 56 jaar gefaseerd te laten plaatsvinden.”

 

E lider di MEP e.o. a manda bisa e Minister di Salud di MEP pa “indien un met deze voorstellen kunt instemmen, verzoeken ondergetekenden, (Evelyn Wever Croes y su departamento) u deze goedkeuring voor te leggen aan de ministerraad.”

 

Pues e mesun politico cu awe kier haci campaña populista cu algo asina serio, cu ta futuro di entrada di nos pensionadonan, awor ta trapa riba su propio conseho, su propio vision pa trata di gana interes politico sin splica pueblo e seriedad di un vision sin contenido manera e ta pretende.

T’e tipo di cosnan aki ta distingui un bon lider y un mal lider ya c’un lider di un pais, ta tuma decisionnan necesario pa scapa e fondo di pensioen y di AZV, sin pensa riba popularidad na prome instante, ya cu MEP a dirigi e fondonan aki rumbo di desaster y como cu e conseho di Minister di Gobierno di MEP a keda sin sigui e vision y conseho di Evelyn Wever Croes na 2002, e fondonan aki a bin core peliger serio pa nan existencia.

 

Gobierno di AVP a mira e seriedad aki cu gran responsabilidad y si a acepta e conseho di e actual lider di MEP y a implementa e consehonan aki cu awe e mesun Evelyn ta insisti cu su vision y conseho no tabata bon politicamente pa su partido actual.

Esaki ta falta di seriedad cu e lider di MEP ta mustrando pueblo di Aruba, y keto bay ta sigui guia su vision pa su pais, den un rumbo di destruccion y negativismo, pensando solamente riba su interes politico y pesonal, y no riba interes di pueblo di Aruba den su totalidad,” lider di fraccion di AVP, Marlon Sneek ta mustra.

 

 

 

 

 

 

 

Top