Parlamentario Melvin Tromp: A felicita Cuerpo Especial Arubano cu nan 20 aña di existencia

Parlamentario Melvin Tromp ta dirigi palabranan di felicitacion p’e magnifico trabao cu CEA a bin ta haci pa Aruba y muy en particular pa Departamentonan di Gobierno.

Melvin Tromp ta recorda 20 aña pasa tempo cu Watty Vos (q.e.p.d.) dia 15 di maart 1997 a sa di cuminsa un cuerpo nobo cu tabata yama e tempo ey Blue Team a trece hopi preocupacion den diferente departamento di Gobierno y  cierto departamento a sinti cu e intencion tras di e cuerpo aki tabata pa perhudica cierto Departamento di Hustitia, cu awe a resulta net lo contrario.

 

Un di e cosnan mas raro tabata cu a bay asina leu cu a yama e departamento aki pa “Monster di dos Cabez” algo cu sigur cu ex Ministro Watty Vos no tabata su intencion y ainda Melvin Tromp ta recorda su colega Hefe di CEA sr Ronny Paskel, kende awe tampoco no ta cu nan mas.

 

Awe despues di 20 aña por bisa cu e meta tras di CEA a haya derecho di existencia y pesey Melvin Tromp ta felicita tur e empleadonan cu a para lucha p’e cuerpo aki por a haya derecho di ta un Cuerpo por medio di un decreto.

Pa conclui Melvin Tromp ta sinti’e hopi orguyoso di por a contribui pa yuda forma CEA cu awe tin hopi tarea pa cumpli cu nan tur dia y ta dirigi su mes n’e personal pa sigui haci e bon trabao. Semper nan por conta cu su sosten pa sigui apoya CEA for di den Parlamento.

 

 

Leave a Reply

Top