Parlamentario y Ministernan a huramenta

Diabierna tabata un dia hopi druk pa Gobernador Alfonso Boekhoudt. Den oranan di mainta na Cas Ceremonial di Gobernador, cu a wordo uza prome biaha pa un ceremonia official, el a huramenta e Parlamentarionan nobo.

Pa MEP esakinan tabata Ady Thijsen; Setty Christiaans; Endy Croes, Edgard Vrolijk y Shailiny Tromp Lee. Pa POR a huramenta Marisol Lopez Tromp y Alan Howell, kende a logra drenta Parlamento ya cu Joyceline Croes a renuncia su asiento.

Despues di e ceremonia a sigui un brindis den e jardin.

Pa 4,30 di atardi, na Stadhuis Gobernador a huramenta e 8 Ministernan di Gabinete Wever Croes consistiendo di Prome Minister Evelyne Wever Croes; Xiomara Ruiz Maduro; Danqui Oduber; Chris Romero; Glenbert Croes; Otmar Oduber; Andin Bikker y Rudy Lampe. Despues di e parti official, a saca potret na e trapi di Stadhuis sigui pa un brindis chikito, ya cu e miembronan di e Gabinete nobo mester a prepara pa bay e celebracion na Plasa Betico Croes.

Top