Parlamento a sali for di e impasse pa scoge miembro di ARA

Awe 28 di maart 2017, Parlamento a reuni den un reunion publico pa por aproba un candidato pa forma parti di Contraloria General.

E peticion pa cu esaki ta data desde november 2015 den un carta di Contraloria General dirigi na Parlamento.

No por a yega na otro den e comision encarga cu Asunto Domestico. Na november aña pasa despues di cambio di presidencia a sigui cu e proceso.

 

A trata e asunto den Comision Central dia 13 di december di aña pasa. No por a yega na un concensus, sinembargo a yega na diferente proposicion y ayera a scoge pa trata e proposicionnan den reunion publico.

E resultado lo ser manda pa Gobernador. Presidente di Parlamento, drs. Mervin Wyatt-Ras a gradici coleganan pa nan cooperacion pa sali for di e impasse y pa sostene e organo halto aki pa sigui haci si trabounan.

 

Wyatt-Ras tin elogio p’e trabounan aki e.o. e diferente jaarrekeningen cu a ser publica y trata dor di Parlamento.

Di e forma aki Parlamento por keda haci su trabou critico di controla Gobierno. Parlamento ta keda den espera di un otro propuesta di ARA pa nombra otro miembronan p’e organo aki.

Top