Parlamento nobo a inicia su tarea den ambiente positivo

WILLEMSTAD – Ayera mainta despues di a eligi Presidente y Vice Presidente di Parlamento, e Presidente nobo a duna palabra n’e lider di fraccion Gerrit Schotte, kende a expresa deseo cu e aña parlamentario lo ta fructifero y por elimina loopholes’ cu tin den reglement di Parlamento.

El a felicita e miembro nobo El Ayou y Gibby Doran kendenan ayera a drenta Parlamento.

 

Charles Cooper tambe ta den fraccion di MFK den Parlamento y nan lo tey pa sirbi.

Señora Pauletta di fraccion di PAR tey pa duna aporte pa halsa e trabou di Parlamentario.

E ta spera cu esey lo conta pa tur miembro cu a hura ayera mainta na Gobernador.

Loke ta importante ta cu nan lo mester actua como ehempel na hubentud y duna servicio na un forma serio y sincero aunke e sa cu nan tin sapato grandi pa yena.

 

Jaime Cordoba a felicita su coleganan aunke ta su so ta forma fraccion di Pueblo Soberano y e lo tey pa traha na fabor di pueblo, pasobra e ta su so, pero e ta bal pa 10.

E lo no tin bèrguensa pa pidi colega pa conseho y informacion, pasobra como parti di e trabou di yuda esey ta pa pueblo di Corsou.

Elsa Rozendal na su turno como lider di fraccion di MAN a felicita e Presidente y Vice Presidente di Parlamento, pasobra nan ta hende cu tin capacidad pa haci e trabou aki.

 

El a yama bon-bini na su coleganan nobo Wimbert Hato y Eugene Cleopa.

El a pidi su coleganan pa fomenta union y debati riba nivel como representante digno di pueblo.

“Nos ta ban pe”, asina Elsa Rozendal a finalisa.

Señora Mozes na su turno a gradici pe confiansa cu pueblo a dune den eleccion y a felicita e team presidencial nobo.

Top