Participa pa poeta di patria 2017

E aña aki un biaha mas, Ministerio di Cultura, Departamento di Cultura Aruba y Comision Celebracion Dianan Nacional, ta bolbe duna oportunidad na nos poetanan pa scirbi nan poesia y participa den e competencia di ‘Poeta di Patria 2017’.

 

Durante e luna cultural aki, arte y creacion literario ta bibo. Ta abo so falta pa yega y participa cu bo poesia dedica na nos Patria.

Pa competi ta facil. Djis manda bo poesia via e-mail: poetadipatria@gmail.com, prome cu diasabra 11 di maart benidero.

 

E reglanan pa por participa ta lo siguiente: Minimo 4 strofa y maximo 7 strofa; Cada strofa mester consisti di 4 linea; Mester rima (mester ta un); Topico mester ta Aruba su Dia Nacional;

Poeta por manda te cu 3 poema pa participa; Bo persona mester ta dispuesto pa declama bo poesia.

 

E 10 pre-finalistanan lo mester presenta nan obra riba diarazon 15 di maart 2017, den Museo Historico Arubano / Fort Zoutman, na unda lo saca 3 ganador. Ban duna balor na nos idioma materno Papiamento y su bon uzo.

Top