Partido MEP ta den movecion y mas uni cu nunca

 

Luna di maart sin duda tabata un otro luna di exito pa partido MEP y Aruba en general. MEP a cuminsa e luna cu varios actividad unda cu nan a mustra pueblo nan vision pa cu e proximo gobernacion.

Den cada skina cu MEP a drenta y den cada actividad di e partido, ciudadanonan ta vocifera nan deseo pa cambio di rumbo di nos pais.

Pueblo kier mira y sinti e cambio aki y MEP su plan pa solucionnan pa mehora e pais aki ta duna e pueblo e seguransa cu e cambio ta na caminda.

 

MEP DEN BARIONAN

MEP a drenta masalmente den varios bario di Aruba cu nan mensahe di speransa. Candidatonan di MEP a cuminsa mas activo pa bishita casnan y scucha loke realmente ta biba den nos pueblo.

E preocupacionnan ta grandi. MEP lo bin cu solucion p’e problemanan cu ta biba den nos comunidad.

 

E HALA HUBENIL DI MEP, HOT

Hubentud Orguyoso Talentoso a tene diferente reunion y charla cu lider di MEP, Evelyn Wever-Croes y algun candidato.

MEP ta scucha e voz di e hobennan den Campaña 2017. MEP ta envolve e hobennan hopi den nan campaña, pa lanta nan interes den politica.

Asina MEP ta crea hobennan responsabel den nos pais, y cu ta sinti e responsabilidad den decisionnan di nos pais.

E hobennan di HOT ta envolvi tambe den nan bishitanan den bario.

Partido MEP y HOT ta invita tur hoben entre 18 pa 35 aña pa forma parti di HOT. Por contact nos via pagina di Facebook HOT-MEP.

 

MEP TA HONRA BALUARTENAN

Den varios ocacion MEP a reconoce su baluartenan cu a traha duro p’e partido desde su fundacion. Nan t’esnan cu a traha e fundeshi p’asina awe por sigui construi pa un pais.

 

ACCION DI STICKER

Hunto candidatonan a para banda di caminda dilanti di Cede di MEP na Santa Cruz pa plak sticker di MEP na autonan cu a yega cerca. Trafico a bira slow p’e ambiente cu tabatin riba caminda.

 

APERTURA DI CAMPAÑA 2017

Un multitud grandi a presenta na Cede p’e apertura di MEP su Campaña 2017. MEP a presenta su logo y Slogan Nobo pa Eleccion 2017.

Hunto p’e Cambio. #sinmiedo a bira nos Slogan p’e victoria.

 

MEP A HOMENAHEA CANDIDATO Y EX CANDIDATONAN

Como gradicimento na cada candidato cu durante 46 aña a aparece riba lista, MEP a homenahea nan pa nan trabou y e tempo cu nan a duna na partido. A toca e honor na lider di MEP, sra. Evelyn Wever-Croes di entrega un homenahe na Nel Oduber, su señora Glenda, su yiunan y tur rumannan di Nel.

Durante e 25 aña cu Nel a lidera partido MEP, y durante e 4 Gobiernonan di MEP, su famia a sacrifica masha hopi mes y mes momento tabata un sosten grandi pa Nel.

 

 

Top