Paseo Herecia su Easter Eggstravagansa tabata un exito!

Diadomingo ultimo, Aruba henter a celebra Pasco di Resureccion, pa honra e bunita ocasion aki Paseo Herencia un biaha mas a tene nan Easter Egghunt.

E aña aki pa prome biaha Paseo Herencia a sconde un total di 1000 webo di color pa nos muchanan y nan tabatin 20 webo color silver y oro cu tabatin un premio special den nan di e diferente tiendanan den e mall.

 

E atardi a cuminsa cu un bunita presentacion di Easter duna pa juffrouw Pamela y meneer Dave di Scol Preparatorio Washington hunto cu studiante Divienne.

Despues di e presentacion a sigui cu e famoso busceda di webo y a cera e anochi cu un tremendo show di magia duna pa e Duo Magico Shaun & Endrick.

 

Durante e evento Unique Celebrations tambe tabat’ey presente p’asina deleita e chikitinnan cu face painting y balloon figures durante e evento. Manera semper hopi di e tiendanan y restaurantnan tabatin diferente promocion pa haci e evento uno mas special ainda.

Pa Paseo Herencia tabata un placer pa un bes mas organisa un bunita evento conhuntamente cu tur su tenants p’asina deleita pueblo di Aruba un biaha mas.

Top