Pastoor Daniel W. Szpila ta invita tur fiel pa actividadnan na Misa Birgen di Fatima

Reverendo Pastoor Daniel W. Szpila di parokia Birgen di Fatima Dakota ta invita tur parokiano, comunidad Portugues, y pueblo di Aruba en general pa asisti na yegada di Birgen Peregrino di Fatima, diadomingo awor, 5 di maart 2017, pa 4:45 p.m. riba parkinglot di Pius X School.

Hunto nos lo sali den procesion pa Misa di Fatima Dakota sigi pa un Santo Rosario y nos lo clausura cu un Santo Sacrificio di Misa pa 6’or di atardi.

Un suplica ta si tur fiel por bin cu un flor cu lo wordo poni den vaas grandi dilanti di e imagen. Danki di antemano.

 

Diahuebs 9 di maart 2017, pa 7 y 30 di anochi lo tin un charla yama IGLESIA den Cas Parokial na Dakota.

Ministronan Extraordinario, Lectornan, Sirbidornan, Ushers, Collectantnan, Koornan, Gruponan di Oracion, tur fiel ta keda invita pa asisti.  Esaki ta un invitacion di Area Liturgia.

 

Dia 10 di maart 2017 ta cuminsa nobena na honor di San Hose. Santo Rosario y oracionnan lo ta despues di Caminda di Cruz cu ta cuminsa pa 6.30 p.m. sigi pa Santo Sacrificio di Misa pa 7’or. Tur deboto ta bon bini.

 

 

Leave a Reply

Top