Pelea na Gusto Nightclub a caba cu un persona herida y dos deteni

Diadomingo marduga den careda di 1:45, polis y ambulans a wordo manda pa Gusto na The Village.
Prome informacion tabata papia di un security cu lo a uza su ‘taser’ contra un hende.

Na yegada, tanto unidadnan policial di ambulans a bin realisa cu no tin nigun persona cu señal di lo a haya ‘taser’ riba su curpa.
Loke si a pasa tabata un bringamento cu skopmento entre algun security y algun homber cu ta bin di Hulanda, supuestamente militar.

E supuesto militarnan lo a bay p’afor y manda piedra p’aden y comete destruccion di un borchi.
Un di e supuesto militarnan a haya mas sla cu otro y a wordo hiba hospital cu ambulans.
Dos di nan cu kier a cana bay y huy di e luga, a wordo deteni.
Segun polis, e grupo tabata mas grandi pero nan lo a bandona e sitio prome cu polisnan a yega.
Prome cu transportwagen a yega, un di e supuesto militarnan a cuminsa saca.

Leave a Reply

Top