Persecucion cu a cuminsa na Playa bin termina te na Drive In na Balashi

Ayera merdia, prome cu 3 or, tabatin un persecucion na Playa y a bay termina na altura di Drive In.

T’asina cu ta trata di un Skyline color preto cu a comete un “hit and run” na CITGO na final di Caya Grandi O’stad.

Ne momento ey tabatin un patruya di Maritieme Polis cu a bay su tras y a cuminsa un persecucion.

E chauffeur a casi dal un unidad motorisa di Polis cu tabata e momento ey tambe riba caya y tambe un patruyewagen.

Na final un patruya a logra sere y asina a pare na un poco prome cu rotonde Drive In. A detene e chauffeur y transporte pa Warda di Polis na Sta Cruz.

(Foto cortesia di Rokelino Angela di Bureau Communicatie en Preventie)

Leave a Reply

Top