Pickup cu flat tire a causa ‘tapon’ monumental na bahada di brug

WILLEMSTAD – Alrededor di 4:30, Polis mester a bay na bahada di brug despues cu cuater vehiculo a dal tras di otro. Un persona a sali levemente herida.

 

For di investigacion cu Polisnan a haci na e sitio ta cu un pickup mester a haya flat tire y a keda para memey caminda. Mirando con duro chauffeurnan ta baha brug un impacto tabata inevitabel, pasobra nan no a tuma nota cu e pickup tabata memey di caminda para cu e consecuencia cu un vehiculo a bay dal tras di e pickup pa despues dos vehiculo mas bin dal tras di otro.

 

Mirando e flat tire di e pickup Polisnan no ta compronde dicon e no a core un tiki mas cu ne y pone un canto. Forensys a keda encarga cu mas investigacion di e accidente aki.

Basta trafico tabatin na momento cu e accidente aki a tuma luga.

Top