Pizza Hut Monsters y Balashi Premium ta splits nan serie

Campeonato HEINEKEN di Aruba Softball Bond dedica na dos baluarte sra. Bertha Wolf Croes y Eugenio “Tan” Helder a continua riba veld di Dragon Hitters.

Den categoria masculino AA e ekipo di Pizza Hut Monsters y Balashi Premium a splits nan serie cu un victoria pa banda.

 

Den e prome wega e pitcher hoben den gran desaroyo Giancarlo Gomez a sa di tene Pizza Hut for di balance aun regalando 4 base por bola a logra e victoria di 10-8.

Erick Henriquez ta drenta pa releva y sigura e wega. Balashi Premium 10 careda, 11 hit, 2 error. Pizza Hut Monsters 8 careda, 8 hit, 2 error.

Arjen Mathilda ta bay cas cu e derota recibiendo relevo di Jonathan Tromp den di dos inning. Pitchernan di Pizza ta regala 6 base por bola den combinacion cu a pisa riba nan resultado.

Miho bateadornan pa Balashi Premium ta Filbert Thiel 3-2 incluyendo un homerun, Sando Geerman di 3-2 y Nathan Berkel di 4-2.

Pa Pizza Hut Monsters a luci den causa perdi Rolando Bito y Derward Ruiz ambos di 3-2.

 

Den e di dos wega otro gay a canta. Pizza Hut Monsters a manera saca un rosea fuerte cu nan tabatin paden pa blackout e muchanan di Balashi Premium.

Pizza Hut Monsters 25 careda, 26 hit, 0 error. Balashi Premium 2 careda, 3 hit, 4 error.

Arjen Mathilda ta gana mientras Jorge Santana ta perde e partido.

Pa Pizza Hut Monsters a destaca na bate Julio Hernandez 3-2, Mario wester 2-2, Alfred Williams, Derward Ruiz y Michael Fingal tur di 5-4, Randy Paredes y Rolando Bito di 4-2 ambos cu un cuadrangular y Jonathan Tromp di 5-3 tambe cu un homerun.

Pa Balashi Premium e primonan Thiel, esta Josmar Thiel y Filbert a bay di 1-1 y Christopher Rasmijn di 2-1.

 

Weganan ta continua e siman aki na veld di Dragon Hitters. Softball a la carga!

Top