Brasil Ceres ta derota ATCO Concrete den e prome wega di Playoff – Pool A

Riba tereno di Nadi Croes / Crismo Angela na Santa Cruz, e playoff final di Campeonato Double AA 2016 organisa pa ABBA a ranca sali, cu e prome wega den Pool A, entre e dos ekiponan di ATCO Indians y Brasil Ceres. E playoff nan lo bay best out of 5 games, cual weganan lo ta tumando lugar na tereno di Nadi Croes / Crismo Angela pero tambe tin algun wega na Joe Laveist Ballpark.

 

Pa loke ta e prome partido, despues cu ATCO Concrete ta piki 2 careda den e prome inning, Brasil Ceres ta sa di bin bek den habri di 2 inning y ta score 8 careda p’asina aki tuma un ventaha basta amplio. Den bom di 2 ATCO ta purba bin bek, anotando 2 careda pa haci e diferencia unicamente 5 careda, pero Brasil Ceres no a haci wega y den di 3, 5 y 6 inning ta bolbe anota 2 careda mas p’asina e wega termina cu un score di 14-3 na fabor di Brasil Ceres.

 

Un total di 13 coredor a keda na base pa Brasil Ceres mientras cu pa ATCO Concrete esaki tabata 7 coredor. Un total di 13 hit pa Brasil Ceres compara cu 5 pa ATCO Concrete.

No tabatin error pa Brasil Ceres mientras ATCO Concrete a hasi 5 error en total.

Picther ganador Tsean Martina, kenda tambe a keda nombra e Player of the Game pa e anochi aki, a sa di domina e bateo di ATCO Concrete. E pitcher cu a bai cu e derota cas tabata Angelo dos Santos

 

E weganan playoff pa loke ta Pool A ta como lo siguiente: Dialuna 20 di maart, pa 19:45 na Joe Laveist Ballpark, diahuebs 23 di maart, pa 19:45 na Nadi Croes / Crismo Angela Ballpark y si tin mester lo bay 2 extra fecha cual nan ta diasabra 25 di maart, pa 19:45 na Joe Laveist Ballpark y e wega final di e playoff Pool A lo ta dialuna, 27 di maart, pa 19:45 na Nadi Croes / Crismo Angela Ballpark. Atrobe, e ultimo dos partidonan aki ta unicamente si ta necesario.

 

Nos kier a invita tur fanaticada di baseball pa yega y apoya nos talentonan local. Tambe nos kier a duna un danki na nos sponsor Tropical Bottling kende a bira nos patrocinador pa loke ta e final di Campeonato Double AA – ABBA.

Top