Playoff Heineken di Aruba Softball Bond AA den recta final

Dialuna awor un pa tera y un pa lama di Spuiters vs Balashi Premuim

 

 

Campeonato Heineken di Aruba Softball Bond, dedica na baluartenan Bertha Wolf-Croes y Eugenio “Tan” Helder, ta den su recta final.

Den categoria AA, ekiponan cu a clasifica # 3 y # 4 a enfrenta otro den un serie di best out of 3.

Spuiters y Balashi Premuim, siman pasa a “splits” nan serie unda cada un a gana un wega pa empata e serie 1-1.

 

Awe dialuna pa 7:30 pm, riba veld di Dragon Hitters, lo bay tin un wega decisivo.

Ganador lo continua p’e siguiente serie, mientras e perdedor lo yama ayo na campeonato 2017 y mester buska su suerte otro aña den campeonato 2018, cual ta premira cu lo bay ta un campeonato pisa.

 

Pa Spuiters muy probablemente Angelo “Dang Dang” Arnold, lo bay ta riba monticulo y pa Balashi Premuim gran probabilidad cu lo ta Jean Carlos Gomez of Jorge Santana.

Ta mustra di lo bira un wega hopi fuerte como cu ambos ekipo kier pasa p’e siguiente buelta.

 

Diamars 24 di october, cuminsando pa 7:15 pm, e siguiente buelta di playoff lo inicia.

Pizza Hut Monsters, kendenan a perde 2 wega contra Royal Power den e promer tanda di playoff siman pasa, lo hunga un serie nobo di best out of 3 contra e ganador di dialuna, esta contra e ganador di Balashi vs Spuiters.

E ganador di e serie di Pizza Hut Monsters, cual lo inicia diamars, lo pasa pa final pa enfrenta Royal Power Tat Fat den e serie final di best put of 5 pa disputa p’e corona maximo, esta campeon di Aruba.

 

Aruba Softball Bond ta invita henter e pueblo di Aruba pa bin disfruta di weganan di playoff fast pitch. Softball a la carga!

Top