Polis a acudi na Rancho Carrion, pero e tata a pusta boca cu Polisnan

Tabata ayera merdia banda di 12 or cu Polis di San Nicolas a haya informacion cu tin como 4 hoben ta manehando nan Seadoo den un forma iresponsabel. Maske cu a manda señalnan pa bin nan tera, nan a burla di autoridad, pa cual motibo a pidi asistencia di Guardacosta, cu inmediamente a saca un di nan boto cu ta conoci di tin un velocidad masha halto.

E muchanan cu a nota esaki, di biaha a drenta den e bahia di Lagoen, pa sconde y a yega na Rancho Carrion, unda nan tata tabata presente.

E tata no a gusta cu Polis a hala atencion di e muchanan, alegando pa laga e muchanan diverti nan mes. Pero Polis a bisa cu nan ta menor di edad, y no tin edad pa maneha e aparatonan aki. Ademas e reclamo tabata cu nan tabata core iresponsabelmente, y por causa un desgracia pa nan mes. Polis a duna tata y yiunan un bon scual, cu si  haya nan den un proximo oportunidad, lo confisca nan Seadoo y lo duna e tata un bon boet.

Top