Polis a arestá 8 persona durante entrada hudicial

PHILIPSBURG –  Polis a arestá 8 persona diarason ultimo na Sint Maarten y a tene shete entrada hudicial den casnan caminda nan a sospecha ladronnan a warda cos cu nan a cometé durante e sakeonan cu tabatin den dianan di orcan Irma.

E entradanan hudicial y detencionnan a tuma lugar riba e parti Hulandes di e isla y miembronan di Cuerpo Policial Sint Maarten cu asistencia di Polis di Corsou y Hulanda, Marechaussee, VKC, VKS y Aduana.

 

Durante e entradanan hudicial aki nan a confisca tres arma di candela y hopi ekipo electronico y alimento na bleki. Nan a sera tur na Warda di Polis pa interogacion.

Tambe Gobierno a anuncia cu hendenan cu a cometé sakeo durante e dianan despues di orcan por keda absolvé di cargo si nan retorná e ekiponan cu nan a hòrta.

Nan pidi un simpel disculpa y retorná loke nan a hòrta lo evitá cu nan lo lastra nan dilanti Huez.

 

Otro informe policial for di Sint Maarten ta haci mencion cu Polis ta buscando famia di e homber R. Andrews kende a pèrdè su bida na man di un asesino cu a puñalé.

 

 

 

…Reginald Andrews….

 

Polis a haña notifikashon ku dia 17 di september deskonosidonan a puñala Reginald Andrews alias Reggie den e region di Over The Bank.

 

 

Leave a Reply

Top