Polis a arestá asesino di Kurasoleño Ursel Sprott

WILLEMSTAD – Informacion for di Friesland, Hulanda ta bisa cu diahuebs ultimo, Polis a arestá un homber di 38 aña den su cas na Leeuwarden como sospechoso di a puñalá mata e Curasoleño Ursel Sprott. E asesinato a tuma lugar diamars anochi.

Sprott tabatin apenas tres luna na Hulanda y ta laga su muher cu 4 yiu atras na Corsou.

 

E asesino a puñalá Ursel banda di un santana cu yama Jacobijnen na Leeuwarden mes.

Hendenan cu a presencia e asesinato y personal paramedico cu a yega rapidamente a purba reanimá Sprott, pero no a logra.

Un persona cu a identifiká su mes como famia di Sprott a conta periodistanan di Leeuwarder Courant cu Sprott a bay Hulanda pa busca trabou, pero mientrastanto e tabata ‘hustle’ pa haña placa. Su famianan lo recordé cu un caminata awe nochi.

 

Morto di Sprott ta di 9 asesinato na Friesland cu ta kibrando recòrd na Hulanda pa loke ta asesinato.

E amigo di Sprott a conta cu loke a pasa ta increibel. Dialuna mes e tabata cu Sprott y e dia anterior nan tabata ‘chill’.

El a splica ku Sprott tabata un persona trankil cu no ta busca problema.

 

Ta tres luna pasá el a retorná Leeuwarden for di Corsou caminda el a biba algun aña cu su famia.

Promé cu esey e tabata biba na Rotterdam. E sospechoso cu Polis a arestá ta un homber blanco cu tabata cana cu un pitbull. E homber ta como 1.90 meter halto.

Segun testigunan presencial ta for di basta dia e situacion banda di e santana Jacobijnen na Leeuwarden tin un ambiente menasante.

 

Constantemente tin hobennan adolesente y por a spera un momento pa otro cu algo lo a pasa pero e asesinato sí nan no a spera.

Un testigo a bisa cu Sprott tabata pleita cu e homber blanco cu un pitbull, kende a menasá di manda e cachó riba dje.

Leave a Reply

Top