Polis a bay Bushiri Carting, despues di informacion cu un persona lo a accidenta

Diaranson anochi algo prome cu 8’or Polis a wordo manda Bushiri Carting, pa un incidente cu un damita di 13 aña. Ya ambulance tambe tabata yegando.

Na prome instante a papia cu algo a pasa un damita y cu e lo a haya golpinan serio na cabes y pecho.
Por a wak ambulance n’e sitio staciona y un rato despues personal di ambulance tabata bin cu e damita y su mama.

Por a wak cu e damita tabata ok, por a nota con trankil e paramediconan tabata cana bay n’e ambulance. No ta conoci pa nos kico exactamente a sosode.

E damita a wordo controla n’e sitio mes y despues a bandona den e ambulance. Polis tambe a continua su caminda, despues di a tende cu e damita ta ok.

Leave a Reply

Top