Polis cu BAB a detene 6 Haitiano na Pita Farm

WILLEMSTAD – Diasabra atardi, Polisnan hunto cu BAB, SOAW y tambe MEO a bay na dos adres p’asina por a wak si tur cos ta na ordo, a bay na un carpenteria y aki nan tur cos tabata na ordo.

 

Despues a bay na Pita Farm, caminda tin crio di galiña, akinan tabatin un coremento formal na momento cu personanan ilegal a mira Polis yega na e sitio.

Pero un bon trabou di Polis cu a rondona e area bon y pone cu niun hende no por a huy bay for di e sitio. A detene 6 persona indocumenta.

 

Loke BAB a constata na e Farm aki cu den e 6 ilegalnan tabatin un cu tin 8 aña trahando ilegal sin nunca e doño di e Farm a busca modo pa atende su papelnan y esey sigur ta algo sensurabel.

E doño sigur lo bay haya un sansion pa motibo cu 8 aña e trahado a traha p’e y e por a regla e papel pa e trahado por ta legal.

 

Tur e personanan cu a keda deteni ta di nacionalidad Haitiano. BAB lo sigui cu e tipo di controlnan aki hunto cu Polis.

Leave a Reply

Top