Polis ta detene 4 persona indocumenta den un van, durante un control di trafico

Diarans on anochi un patruya di Polis tabata pasando den De La Sallestraat y a nota un Hyundai van, color Blanco, coriendo un poco sospechoso, mesora nan a bay pa control’e.

Na momento cu e agentenan policial a aserca e van nan a bin topa cu 4 persona di habla Spaño, ora a pidi pa nan documentonan, nan no por a mustra cu nan ta legalmente na Aruba.

Mesora Polis a detene nan y a yama Warda Nos Costa pa busca nan. Cuater persona a keda deteni, dos muher y dos homber.

Un di e damanan tabata bisa Polis cu e ta bibando na Aruba, ta casa cu un Arubiano y su yiunan ta naci na Aruba, pero pa motibo cu e no por a prueba esaki e momento ey.

El a keda transporte pa oficina di Warda Nos Costa y si acaso resulta cu e ta papia berdad, e lo recobra su libertad al instante.

Leave a Reply

Top