Polis ta detene homber bou influencia cu a persigui su pareha den un otro auto y a keda dal contra e auto di su pareha

Dialuna 12’or y mey di anochi Polis ta wordo pidi cu urgencia pa un problema di pareha cu a bay for di man.

Polis cu urgencia a wordo pidi na altura di Ting Wei na Rooi Santo, pa motibo cu e cabayero tras di stuur di un Altezza Shinishi tabata persiguiendo un Nissan March cora, den cual su pareha lo tabata aden, e Altezza tabata dal den e Nissan March.

Na dado momento informacion a drenta cu e pareha ta dilanti di Yen Yen y cu e March tin flat tire, pero nan tabata keda dal den otro, cu hopi urgencia Polis a bay n’e sitio.

Na yegada enberdad nan ta topa cu e dos autonan, e chauffeur di e Altezza ta mira Polis y ta cuminsa bay direccion panort. Mesora un di e patruyanan ta sigui’e.

E ta core bay su cas na Topaz, caminda Polis ta deten’e y ta confisca e Altezza Shinishi.

E dama a keda dilanti Ng Supermarket na Kamay y el a splica e Polisnan cu e homber a yega cas bou influencia di un of otro substancia y tabata haci problema.

E Altezza ta di su cuña, esta di ruman muher di e homber.

Top