Polis ta para controla un auto sospechoso, cu probablemente ta envolvi den un hit and run

Diadomingo den oranan di madruga na momento cu un patruya di Polis tabata n’e rotonde Sasaki, for di panort a bin un Toyota Tercel blanco cu velocidad basta halto bay direccion di Oranjestad su tras a bin un otro auto, kende a avisa Polis cu e Tercel aki lo a pasa dal dos auto y a sigui core.

Polis mesora a sali su tras, pero no a logra topa cu e auto. Despues a drenta un informe cu e persona tras di stuur ta un conoci di Polis y cu e por ta arma. Un rato despues nan a topa cu e auto pazuid di Olde Molen na Palm Beach.

Mesora a pidi refuerso, pero e papelnan di e auto tabata mustra ta na ordo y el a bisa Polis cu e otro auto a dal contra su auto. Polis a controla e auto y no a haya nada particular.

Mas durante dia e mesun auto aki tabata envolvi den un caso serio di menasa, droga y hit and run.

E momento cu Polis a haya droga y machete den e auto, e dos ocupantenan a keda deteni.

Top