Polisnan envolvi den morto di Mitch Henriquez: Nunca nos a mira un homber asina fuerte

Dialuna mainta a cuminsa e huicio contra e dos agentenan policial cu ta wordo acusa di ta responsabel pa morto di e Arubiano Mitch Henriquez. Segun publicacion di corantnan Hulandes, durante tratamento di e caso a bini dilanti cu e Polisnan a bisa cu Henriquez tabata grita cu e tin un arma caliber 52, e lo a haci un señal di gangster y a mishi cu su curpa di abou diferente biaha. Tambe lo tintestigonan cu a bisa esaki.

Den e informacion cu a bini dilanti ta wordo bisa cu e Polisnan a hala atencion di e victima y a dun’e ordo pa bay for di e sitio. Inicialmente el a cana bay cu un muhe. Pero el a ranca los y a cana bay direccion di e Polisnan pa grita nan un biaha mas cu e tin un arma. E prome biahanan, nan ta bisa, el a hari. “E tabata mustra asina menasante cu mi di berdad mi a pensa cu e tabatin un arma di candela,” un di e Polisnan a declara dialuna den Corte, e corant Hulandesnan a publica.

Un di e Polisnan a bisa cu nunca antes el a hay’e confronta cu un homber asina fuerte. Nan tabata cinco Polis y nan tabatin problema  pa control’e, un di e agentenan a bisa den forma anonimo durante e caso contra dje y su colega den un sala cu extra siguridad na Schiphol.

E informe ta sigui bisa cu ora cu Polis kier a aresta e homber Arubiano, el a nenga di cooperacion. E cinco polisnan a dal Henriquez, e dun’e un tik y a primi pepperspray den su wowonan pa despues dal’e den klem.

Na momento cu Henriquez tabatin e boeinan poni na su mannan, su resistencia a kibra. Casi e no tabata reacciona, y tampoco ora cu nan tabata prik ‘e. Apesar di esey, e Polisnan no a scoge pa yama un ambulance pero a hinke den e Van di Aresto. Segun e polis a bisa, esaki tabata pasobra  e situacion ey bou no tabata sigur, “nos mester a bay for di e sitio.”

Manera ta conoci, Henriquez a fayece un dia despues di su detencion. Dos di e cinco polisnan cu tabata envolvi ta wordo enhuicia pa detencion fatal. Nan tabata den sala di Corte pero den un camber apart unda cu esnan presente no por mira kende nan ta y solamente Fiscal, Hueznan y nan mesun Abogado por mira nan. Nan stemnan tambe ta wordo distorsiona.

 

Henriquez werd door vijf agenten overmeesterd en overleed een dag na zijn arrestatie. Twee van de agenten staan terecht voor deze fatale arrestatie. Ze zitten in de rechtbank afgeschermd in een aparte ruimte. Ze worden aangeduid als DH01 en DH02 en zijn alleen zichtbaar voor officieren van justitie, de rechters en hun eigen advocaten. Ook hun stemmen worden vervormd.

Prome cu e caso a cuminsa, Abogado di e famia mr. Korver, a pidi pa pospone tratamento di e caso pasobra tin filmacion y audio nobo cu a aparece. Y tambe a pidi pa kita e anonimidad di e polisnan cu ta wordo huzga. Pero ambos peticion a wordo rechasa.

 

Mitch Henriquez a wordo aresta na juni, 2015, na Den Haag durante un festival den Parkpop na Den Haag. Un dia despues el a fayece.

Na april defensa a presenta cu un rapport di e dokter forensivo Kees Das, cu a conclui cu Henriquez a fayece como consecuencia di un paro cardiaco y no door di e nekklem. Esaki ta contrario na e conclusion di Instituto Forensico Hulandes, cu a conclui cu e violencia policial tabata fatal pa Henriquez. El a stik door di un combinacion di nekklem, un sla riba su nanishi y e uzo di pepperspray.

OM ta persigui e dos polis pa maltrato pisa cu morto como consecuencia. Tambe ta aparece e acusacion di asesinato y morto door di nan culpa, pero no ta kere den esakinan.

Leave a Reply

Top