POR den proximo gobernacion lo intensifica control di permiso maritimo pa conserva nos medio ambiente marino

POR den proximo gobernacion kier crea infrastructura basico pa sector primario y stimula diversificacion economico pa beneficia nos cunukeronan como tambe piscadonan y criadonan. Esaki pa medio di un maneho integral como tambe uzo di tecnologia moderno.

Mehora maneho di huurgronden p’asina crea mas espacio pa por otorga tereno cu meta agricultural.

 

Mediante Fundacion Centro di Pesca Hadicurari lo intensifica e programa di construccion y renovacion di pier tur rond di Aruba (Noord, Playa, Barcadera, Spaans Lagoen, Savaneta, Cura Cabay y San Nicolas) p’asina salvaguardia nos herencia y conscientisa encuanto ofishi di piscado.

Tambe lo restructura y reforsa Santa Rosa cu enfoke riba profesionalisacion como tambe crea laso estrecho y fuerte cu agricultornan y piscadonan.

 

POR lo implementa ley den cual ta regla e pakete di incentivo fiscal (tax holiday) pa stimula nos sector primario. Introduci un sistema di permiso electronico y limita pa pesca cu harpoen na areanan designa leu for di coral, a base di cual por monitorea su condicion.

Control di permiso maritimo intensivo pa conserva nos medio ambiente marino.

Introduci un tarifa special di awa di WEB, pa necesidad y uzo den sector primario.

Tambe lo amplia e maneho di reserva di awa, e. o. creando mas damnan moderno rond di Aruba.

Top